Arbeiðseftirlitið er stovnur undir Vinnumálaráðnum og hevur sum høvuðsuppgávu at umsita:

• løgtingslóg um arbeiðsumhvørvi.

Harumframt umsitur Arbeiðseftirlitið:

• Lóg um tiltøk at minka um royking
  
• Lóg um spreingievni,
  
• lóg um kavaravinnu,
  
• løggildar vektir og nøgdarmátarar og
  
• útskrivar loyvi til keyp av ethanol til vinnuligt endamál.

Uppgávurnar hjá Arbeiðseftirlitinum eru, í spurningum um arbeiðsumhvørvi, at:

• vegleiða virkjunum, pørtunum á arbeiðsmarknaðinum og almenninginum í spurningum, ið hava arbeiðsumhvørvisligan týdning,
• hjálpa landsstýrismanninum við fyrireikingunum av reglunum sbrt. lógini,
• áseta nærri fyriskipanir við heimild frá landsstýrismanninum,
• kunna seg um teknisku og sosialu menningina í samfelagnum við atliti til at betra um arbeiðið, hvat trygd og heilsu í arbeiðsumhvørvinum viðvíkur,
• viðgera ætlanir til framleiðsluhættir, arbeiðspláss, tøknilig hjálpartól v.m., evni og tilfar og geva loyvi, sum eru í samsvari við lógina ella fyrisitingarligar reglur og
• ansa eftir, at lógin og tær fyrisetingar, sum verða gjørdar við heimild í lógini, verða hildnar.

Arbeiðseftirlitið hevur skrivstovu í Tórshavn, har 12 fólk starvast.